Þú ert hér: Forsíða / Einstaklingar / Lán /

Í hnotskurn

Tegund lausnar Um lausnina
Greiðslujöfnunarleið
  • Greiðslubyrði tekur mið af greiðslujöfnunarvísitölu*.
  • Lánstíminn getur lengst, en aldrei meira en um þrjú ár.
  • Skilyrði fyrir greiðslujöfnun er að lán sé í skilum.
  • Hægt er að segja sig frá greiðslujöfnun hvenær sem er.
  • Lengri lánstími felur í sér hærri kostnað í formi vaxta
Fastgreiðsluleið
  • Stöðug og viðráðanleg greiðslubyrði.
  • Samkomulag um fastgreiðslu er endurskoðuð með reglulegu millibili.
  • Mismunur fastgreiðslu og hefðbundinnar greiðslu færist á höfuðstól.
  • Lánstími lengist ef krónan veikist en styttist ef krónan styrkist á lánstímanum. 
5.0000 kr. fastar greiðslur erlendra íbúðalána
  • Fyrir einstaklinga með íbúðalán í erlendri mynt með veði í íbúðahúsnæði.
  • Greiðslubyrði lækkuð tímabundið og gildir til 31.03.2011 eða þar til niðurstaða skýrist fyrir dómstólum.
  • Lántakandi greiðir 5.000 kr. af hverri milljón af upprunalegum höfuðstól láns.
  • Greiðslubyrði af 12.000.000 kr. láni verður 60.000 kr. á mánuði.
  • Skilyrði er að lánstími sé lengri en 5 ár og að afborganir séu reglulegar
  • Enginn aukakostnaður
Lenging lána
  • Léttari greiðslubyrði.
  • Lengri lánstími felur í sér hærri kostnað í formi vaxta.
Frysting vaxta og/eða afborgunarhluta
  • Einungis í boði ef aðrar lausnir duga ekki til
  • Skilyrði að greiðslugeta lántaka batni að frystingatíma loknum.

Greiðslujöfnunarleið

Með greiðslujöfnun verður greiðslujöfnun sú sama í íslenskum krónum og hún var á gjalddaga 2. maí 2008.  Greiðsla er svo tengd greiðslujöfnunarvísitölu*, sem tekur mið af þróun launa og atvinnustigs og er gefin út mánaðarlega af Hagstofu Íslands.  Lækki vísitalan hefur það áhrif á greiðslubyrði til lækkunar og öfugt ef hún hækkar.  Breyting á gengi gjaldmiðla færist þá yfir á lánstímann.  Styrkist krónan styttist lánstíminn, en lengist ef krónan veikist.  Veiking krónunnar getur aldrei lengt lánstíma meira en sem nemur þremur árum og standi eitthvað eftir af þeim tíma liðnum verður það afskrifað. 

* Greiðslujöfnunarvísitala er reiknuð og birt á vef Hagstofu Íslands.

Fastgreiðsluleið

Fastgreiðsluleið felur í sér að samið er um fasta reglulega greiðslu og lántakandi getur þar með gengið að greiðslubyrði lánsins sem vísri fram í tímann.  Við ákvörðun fastrar greiðslu er miðað við gengi 2. maí 2008.  Viðskiptavinum gefst kostur á að endurskoða fastgreiðsluupphæð með reglulegu millibili. Sá munur sem myndast við þessa aðlögun á greiðslubyrði bætist við höfuðstól lánsins eða dregst frá honum, allt eftir gengisþróun íslensku krónunnar og við það lengist lánstíminn eða styttist.

5.000 kr. fastar greiðslur erlendra íbúðalána

Öllum einstaklingum sem tekið hafa íbúðalán (fasteignalán) í erlendri mynt með veði í íbúðahúsnæði stendur til boða að greiða 5.000 kr. fasta mánaðarlega greiðslu af hverri milljón af upprunalegum höfuðstól.

Þetta tímabundna úrræði gildir til 31.03.2011 eða þar til skorið verður úr um réttarágreining fyrir dómstólum.

Nánar um 5.000 kr. fastar greiðslur erlendra íbúðalána

Lenging lána

Þegar lán eru komin í vanskil getur verið fýsilegt að lengja í viðkomandi láni, sem felur yfirleitt í sér fjölgun á gjalddögum þess. Með þessu móti er dregið úr mánaðarlegri greiðslubyrði. Markmiðið með lengingu lána er að staða viðskiptavinarins eftir breytingu verði viðráðanlegri til lengri tíma litið.

Frysting vaxta og/eða afborgunarhluta

Þegar um er að ræða greiðsluerfiðleika þar sem aðrar leiðir duga ekki til er mögulegt að frysta vaxta og/eða afborgunarhluta lána.  Þetta er þó einungis gert ef greiðslugeta lántaka verði betri til lengri tíma litið að frystingartímabili loknu. 

Ráðgjafar Byrs veita þér aðstoð og upplýsingar um lausnir vegna gengistryggðra lána. Hægt er að hafa samband við ráðgjafa okkar í síma 575 4000, með því að senda okkur fyrirspurn eða með því að koma í næsta útibú okkar.

Prenta umsókn Senda fyrirspurn

Stillingar