Spurt og svarað
Kæri viðskiptavinur
Spurt og svarað er nýr upplýsingabanki, sem veitir á aðgengilegan og einfaldan hátt svör við öllum helstu spurningum sem varða breyttar aðstæður á fjármálamarkaði. Alla nánari ráðgjöf og leiðbeiningar færðu hjá ráðgjöfum Byrs í útibúinu þínu eða ráðgjafaverinu okkar í síma 575 4000. Einnig getur þú sent okkur fyrirspurn.
Gjaldeyrisviðskipti
Tilgangurinn með reglunum er að stöðva tímabundið gjaldeyrisútflæði sem gæti leitt til óhóflegrar gengislækkunar krónunnar þegar hömlum á gjaldeyrisviðskiptum vegna almennra viðskipta verður aflétt. Fyrirsjáanlegt er að innstreymi gjaldeyris vegna útflutnings mun á næstunni verða meira en útstreymi vegna innflutnings. Því mun smátt og smátt verða til umframgjaldeyrir sem hægt verður að selja erlendum aðilum og losa þá þannig út úr krónustöðum sínum.
Síðast uppfært: 15.september.2009 | Efst á síðu
Starfsmenn Byrs taka við öllum umsóknum um símgreiðslur. Allar símgreiðslur eru afgreiddar svo framarlega sem þær uppfylla reglur Seðlabanka Íslands. Þær greiðslur sem flokkast sem forgangsgreiðslur sjá starfsmenn um að senda og ættu þær að vera komnar inn á reikning viðtakanda eftir 3-5 daga.
Síðast uppfært: 15.september.2009 | Efst á síðu
Já það er hægt að senda símgreiðslur inn á reikninga hjá Byr og taka slíkar greiðslur tvo til fimm virka daga. Minnum á að mikilvægt er að vanda vel allar upplýsingar, til dæmis IBAN og SWIFT númer til að draga úr líkum á að greiðslur tefjist.
Síðast uppfært: 15.september.2009 | Efst á síðu
Erlendar innheimtur fela í sér gjaldeyrisviðskipti og lúta því sömu reglum um forgangsröðun og aðrar erlendar greiðslur, s.s. símgreiðslur. Tekið er við öllum umsóknum um símgreiðslur. Öll gjaldeyrisviðskipti eru metin með hliðsjón af flokkunarreglum Seðlabanka Íslands um forgangsröðun.
Síðast uppfært: 15.september.2009 | Efst á síðu
Kreditkort (miðað við hámarksúttekt á sólarhring)
| Tegund korts | Hraðbanki | Gjaldkeri |
|---|---|---|
| Almennt kort | 50.000 kr. | 50.000 kr. |
| Gullkort | 75.000 kr. | 75.000 kr. |
| Platinumkort | 100.000 kr. | 100.000 kr. |
Debetkort (miðað við hámarksúttekt á sólarhring)
| Tegund korts | Hraðbanki | Gjaldkeri |
|---|---|---|
| Öll kort | 30.000 kr. | 150.000 kr. |
Síðast uppfært: 04.mars.2009 | Efst á síðu
Erlendar færslur á bæði debet- og kreditkortum eru reiknaðar út samkvæmt gengisskráningu Valitor fyrir Visa og Visa Electron og Borgunar fyrir MasterCard og Maestro.
Upplýsingar um gengi gjaldmiðla hjá Valitor
Upplýsingar um gengi gjaldmiðla hjá Borgun
Síðast uppfært: 15.september.2009 | Efst á síðu
Þetta þarf að meta hverju sinni. Vinsamlegast leitaðu nánari skýringa hjá ráðgjafa þínum hjá Byr eða ráðgjafaverinu okkar.
Síðast uppfært: 15.september.2009 | Efst á síðu
Já, hægt er að stofna slíkan reikning og leggja inn á hann í erlendri mynt. Því miður er ekki leyfilegt að kaupa gjaldeyri til að leggja inn á reikninginn. Athygli er vakin á því að ekki er hægt að taka út gjaldeyri í erlendum seðlum nema verið sé að greiða fyrir vöru eða þjónustu. Ef um ferðapeninga er að ræða er hvert tilfelli metið fyrir sig. Í slíkum tilfellum þarf að framvísa farseðli.
Síðast uppfært: 15.september.2009 | Efst á síðu
Já, hægt er að leggja inn á reikninginn erlendan gjaldeyri en þó er ekki hægt að kaupa gjaldeyri til að leggja inn á hann.
Síðast uppfært: 15.september.2009 | Efst á síðu
Úttekt af gjaldeyrisreikningum er háð því skilyrði að sýnt sé fram á að notkun fjárins sé í samræmi við nýsettar gjaldeyrisreglur Seðlabanka Íslands. Óheimilt er að taka út af gjaldeyrisreikningum reiðufé í erlendum seðlum, nema sýnt sé fram á að það verði notað til að greiða fyrir vöru eða þjónustu, þ.m.t. ferðalög. Þegar um ferðagjaldeyri er að ræða er hvert tilfelli metið fyrir sig. Framvísa þarf farseðli við kaupin.
Síðast uppfært: 15.september.2009 | Efst á síðu
Já, um einhverjar takmarkanir eru að ræða en hvert tilfelli er metið fyrir sig. Sýna þarf farseðil við kaup ferðagjaldeyris.
Síðast uppfært: 15.september.2009 | Efst á síðu
Nei, ekki er um slíkar takmarkanir að ræða.
Síðast uppfært: 15.september.2009 | Efst á síðu
Nei, en Byr tekur erlenda tékka til innheimtu. Slíkt innheimtuferli getur tekið allt að fjórar til átta vikur. Við viljum hins vegar benda á að mun skemmri tíma tekur að fá símgreiðslu auk þess sem um ódýrari kost er að ræða en slíkar greiðslur taka um tvo til fimm virka daga. Til að símgreiðslur taki sem stystan tíma er gott að senda greiðanda eftirfarandi upplýsingar:
- Fullt nafn reikningseiganda
- Viðskiptabanki reikningseiganda
- IBAN númer reikningseiganda (finna má það númer í heimabankanum eða fá það uppgefið hjá ráðgjafaveri Byrs)
- SWIFT kóða reikningseiganda (SWIFT kóði Byrs er BYRSISRE)
Síðast uppfært: 15.september.2009 | Efst á síðu
Nei, Byr gefur ekki út erlenda tékka. Hins vegar bjóðum við upp á símgreiðslur sem í mörgum tilfellum gæti talist betri kostur. Símgreiðslur eru öruggur og hagkvæmur kostur bæði í krónum og tíma. Allar símgreiðslur í dag eru afgreiddar svo framarlega sem þær uppfylla reglur Seðlabanka Íslands. Það tekur um tvo til fimm virka daga fyrir greiðsluna að berast inn á reikning viðtakanda.
Síðast uppfært: 16.september.2009 | Efst á síðu
Innlán
Ríkisstjórn Íslands hefur áréttað að innstæður í innlendum viðskiptabönkum, sparisjóðum og útibúum þeirra hér á landi verði tryggðar að fullu. Með innstæðum er átt við allar innstæður almennra sparifjáreigenda og fyrirtækja sem trygging innstæðudeildar Tryggingasjóðs innstæðueigenda tekur til.
Hér má finna yfirlýsingu ríkisstjórnar
Síðast uppfært: 04.mars.2009 | Efst á síðu
Nei, alls ekki, þar sem ríkisstjórn Íslands áréttar að innstæður í innlendum viðskiptabönkum, sparisjóðum og útibúum þeirra hér á landi verði tryggðar að fullu.
Síðast uppfært: 16.september.2009 | Efst á síðu
Gjaldeyrisreikningar flokkast undir innlánsreikninga og eru því tryggðir. Innstæður á gjaldeyrisreikningum njóta tryggingar í þeirri mynt sem um er samið, en tryggingarsjóði er þó heimilt að greiða út innstæðu í íslenskum krónum.
Síðast uppfært: 16.september.2009 | Efst á síðu
Innlegg á verðtryggða innlánsreikninga eru lögum samkvæmt bundin í a.m.k. 36 mánuði og af þeim sökum er ekki hægt að taka út af reikningunum innstæðu fyrr en að þeim lágmarkstíma liðnum.
Síðast uppfært: 16.september.2009 | Efst á síðu
Já, viðskiptavinir Byrs geta tekið út 1 milljón króna í reiðufé hjá gjaldkerum hvern sólarhring. Ef þú ert ekki í viðskiptum við Byr getur þú tekið út 100 þúsund krónur hvern sólarhring. Ekki er hægt að taka út af verðtryggðum reikningum eða öðrum bundnum reikningum fyrr en að binditíma loknum og gilda þá sömu reglur varðandi úttekt á reiðufé.
Síðast uppfært: 16.september.2009 | Efst á síðu
Útlán
Ríkisstjórn Íslands hefur beint þeim tilmælum til fjármálafyrirtækja að úrræði verði veitt vegna greiðsluerfiðleika tengdum íbúðalánum. Nú þegar geta viðskiptavinir Byrs óskað eftir skilmálabreytingu eða frystingu erlendra lánaafborgana (sjá nánar spurt og svarað um útlán) og óskað eftir greiðslujöfnun á verðtryggðum lánum með veði í fasteign (sjá nánar spurt og svarað um greiðslujöfnun).
Síðast uppfært: 04.mars.2009 | Efst á síðu
Geta ég fryst erlent lán (myntkörfulán) eða skilmálabreytt því?
Hægt er að skilmálabreyta öllum myntkörfulánum fyrir einstaklinga. Skilmálabreytingar vegna fyrirtækja eru metnar í hverju tilfelli fyrir sig. Viðskiptavinir þurfa að hafa samband við ráðgjafa Byrs og óska eftir skilmálabreytingunni, þar sem ekki er unnt að breyta skilmálum láns sjálfkrafa. Ekki er tekið gjald fyrir skilmálabreytingu og álag láns hækkar ekki við hana hvort sem um einstaklinga eða fyrirtæki er að ræða. Eini kostnaðurinn sem lántakandi ber af skilmálabreytingu erlends láns er 1.350 kr. þinglýsingargjald sem rennur í ríkissjóð. Greiðsluerfiðleikar eru ekki skilyrði fyrir skilmálabreytingunni. Í boði verða tvenns konar leiðir til frystingar:
Frestun afborganna:
Afborganir frystar en ekki vextir í allt að sex mánuði. Með þessu móti má minnka greiðslubyrði láns til muna.
Frestun afborganna og vaxta:
Afborganir og vextir fryst í allt að 4 mánuði. Með þessu móti fellur greiðsla af láninu niður á meðan á frystingu stendur. Þegar frystingu er lokið greiðist ein afborgun af höfuðstól lánsins ásamt vöxtum fyrir þann fjölda mánaða sem lánið var fryst.
Stattu vörð um fjárhagslega heilsu þína.
Ef þú frystir erlent lán, er ráðlegt að leggja mánaðarlega til hliðar svipaða upphæð á sparnaðarreikning og greidd var að jafnaði af láninu. Ef þú átt þess kost, þá gerir þessi sparnaður þér kleift að greiða höfuðstólinn niður, þegar ró kemst á gjaldeyrismarkaðinn.
Nánari upplýsingar og leiðbeiningar má fá hjá ráðgjafaveri Byrs í síma 575-4000 og í útibúum Byrs.
Síðast uppfært: 16.september.2009 | Efst á síðu
Hægt er að greiða upp eða inn á myntkörfulán Byrs. Athugaðu að skv. skilmálum lánanna þarf að greiða uppgreiðslugjald skv. gjaldskrá Byrs.
Síðast uppfært: 16.september.2009 | Efst á síðu
Byr býður ekki upp á myntkörfulán um þessar mundir. Eingöngu er hægt að fá lánað í íslenskri mynt.
Síðast uppfært: 16.september.2009 | Efst á síðu
Engar takmarkanir eru á innborgunum eða uppgreiðslum lána. Í þeim tilvikum sem skilmálar kveða á um uppgreiðslugjald er það innheimt skv. verðskrá Byrs.
Síðast uppfært: 16.september.2009 | Efst á síðu
Lánið er áfram bundið þeim skilmálum er fylgja viðkomandi láni. Athugaðu að þú ef þú ert með erlent lánt, getur þú óskað eftir skilmálabreytingu hjá ráðgjöfum Byrs, eins og fram kemur hér að ofan.
Síðast uppfært: 16.september.2009 | Efst á síðu
Greiðslujöfnun
Með greiðslujöfnun er greiðslubyrði verðtryggðra fasteignaveðlána lækkuð tímabundið. Lánshafi greiðir gjalddaga samkvæmt greiðslujöfnunarvísitölu. Lánið er eftir sem áður bundið vísitölu neysluverðs og breytist höfuðstóll lánsins í samræmi við hana. Meðan greiðslujöfnunarvísitalan er lægri en vísitala neysluverðs hækkar höfuðstóll lánsins sem nemur mismuninum og mun lántakandinn greiða þann mismun síðar.
Síðast uppfært: 16.september.2009 | Efst á síðu
Greiðslubyrði verðtryggðra lána hefur aukist að undanförnu vegna mikillar verðbólgu. Samhliða hefur kaupmáttur rýrnað og greiðslubyrði fólks af verðtryggðum fasteignalánum því þyngst hlutfallslega. Tilgangur greiðslujöfnunar er að bjóða lánshöfum leið til þess að létta greiðslubyrðina tímabundið á meðan niðursveiflan gengur yfir.
Síðast uppfært: 16.september.2009 | Efst á síðu
Greiðslujöfnun felur á engan hátt í sér eftirgjöf á skuldum heldur er um að ræða frestun afborgana að hluta. Til lengri tíma litið leiðir greiðslujöfnun til aukins kostnaðar í formi vaxta og verðbóta og því er ekki sjálfgefið að fólk kjósi eða hafi hag af greiðslujöfnun. Hver og einn þarf að skoða þetta í ljósi aðstæðna sinna og taka ákvörðun í samræmi við það.
Síðast uppfært: 16.september.2009 | Efst á síðu
Einstaklingar í viðskiptum við Byr með verðtryggð lán með fasteignaveði geta óskað eftir greiðslujöfnun. Það er hins vegar mikilvægt að þú metir út frá þínum aðstæðum, það er greiðslubyrði og greiðslugetu, hvort greiðslujöfnun henti þér. Skilyrði er að lánið sé ekki í vanskilum en ef svo er, skoðum við málin með þér og metum hvað best er að gera í stöðunni.
Síðast uppfært: 16.september.2009 | Efst á síðu
Það eina sem þú þarft að gera er að koma í næsta útibú Byrs og tala við einn af ráðgjöfum okkar. Saman farið þið yfir málin og finnið út hvort greiðslujöfnun henti þér. Beiðni þarf að berast eigi síðar en 11 dögum fyrir gjalddaga eigi hún að koma til framkvæmda þá. Berist beiðni lántakanda eftir þann tíma skal greiðslujöfnun koma til framkvæmda á næsta gjalddaga þar á eftir.
Síðast uppfært: 16.september.2009 | Efst á síðu
Já, þetta á einungis við um verðtryggð lán einstaklinga með veði í fasteignum hér á landi.
Síðast uppfært: 16.september.2009 | Efst á síðu
Já, þetta á einungis við um lán með veði í fasteign.
Síðast uppfært: 16.september.2009 | Efst á síðu
Ekki er unnt að segja nákvæmlega fyrir um áhrif greiðslujöfnunar til lækkunar á greiðslubyrði lána þar sem útreikningarnir byggja á spám. Miðað við efnahagsspá Seðlabanka Íslandser áætlað að í lok næsta árs verði greiðslubyrði þessara lána um 17% lægri en hún yrði án greiðslujöfnunar.
Síðast uppfært: 16.september.2009 | Efst á síðu
Já, þú getur sagt þig frá greiðslujöfnun síðar á lánstímanum. Skilyrði fyrir slíkri breytingu er að lánið sé í fullum skilum. Sé skuld á jöfnunarreikningi þegar slík ákvörðun er tekin leggst hún við höfuðstól lánsins. Um leið og neysluverðsvísitala verður orðin lægri en greiðslujöfnunarvísitala er hagstæðara fyrir þig til lengri tíma að segja þig frá greiðslujöfnun. Sækja þarf sérstaklega um niðurfellingu greiðslujöfnunar.
Síðast uppfært: 16.september.2009 | Efst á síðu
Til lengri tíma litið leiðir greiðslujöfnun til aukins kostnaðar í formi vaxta og verðbóta og því er mjög mikilvægt að meta reglulega hvort greiðslujöfnun sé hagstæð fyrir þig. Sækja þarf sérstaklega um niðurfellingu á greiðslujöfnun hjá ráðgjöfum í útibúum Byrs.
Síðast uppfært: 16.september.2009 | Efst á síðu
Greiðslujöfnunin er viðskiptavinum að kostnaðarlausu.
Síðast uppfært: 16.september.2009 | Efst á síðu
- Reiknuð er ný vísitala, svonefnd greiðslujöfnunarvísitala, sem gefin verður út mánaðarlega. Í vísitölunni eru vegin saman launaþróun og þróun atvinnustigs.
- Ef afborgun lánsins samkvæmt greiðslujöfnunarvísitölunni reynist lægri en afborgunin samkvæmt vísitölu neysluverðs er þeim hluta af afborgunum sem nemur mismuninum frestað þar til greiðslujöfnunarvísitalan hækkar á ný umfram neysluvísitöluna.
- Mismunurinn, þ.e. sá hluti afborgana sem frestast, er færður á sérstakan jöfnunarreikning sem bætist við höfuðstól lánsins.
- Ef afborganir af láninu samkvæmt greiðslujöfnunarvísitölunni verða hærri en afborganir samkvæmt neysluvísitölu verður mismunurinn greiddur inn á jöfnunarreikninginn til lækkunar á höfuðstól lánsins.
- Ef skuld er á jöfnunarreikningi við lok upphaflegs lánstíma er lánstíminn lengdur eins og nauðsynlegt er til þess að lánið verði greitt að fullu með sambærilegri greiðslubyrði og áður.
Síðast uppfært: 16.september.2009 | Efst á síðu
Greiðslumark skal vera gjaldfallin afborgun og vextir eins og þeir eru á hverjum gjalddaga á verðlagi við lántöku . Greiðslumark af verðtryggðum fasteignaveðlánum sem tekin hafa verið á tímabilinu frá 1. janúar 2008 til gildistöku þessa ákvæðis er gjaldfallin afborgun og vextir á verðlagi við lántöku. Greiðslumark af verðtryggðum fasteignaveðlánum sem tekin voru fyrir 1. janúar 2008 er gjaldfallin afborgun og gildandi vextir á verðlagi 1. janúar 2008.
Síðast uppfært: 16.september.2009 | Efst á síðu
Greiðslujöfnunarvísitala er sérstök vísitala sem Hagstofa Íslands reiknar og birtir mánaðarlega.
Síðast uppfært: 16.september.2009 | Efst á síðu
Greiðsluvísitala er samsett af launavísitölu, sbr. lög um launavísitölu, sem vegin er með atvinnustigi. Við útreikning greiðslujöfnunarvísitölu skal launavísitala sú sem Hagstofan birtir í mánuði hverjum vegin með atvinnustigi sama mánaðar og skal hún gilda við útreikning greiðslumarks lána. Með atvinnustigi í mánuði er átt við hlutfall sem miðast við 100% að frádregnu atvinnuleysi í hlutfalli af vinnuafli í viðkomandi mánuði samkvæmt uppgjöri Vinnumálastofnunar.
Síðast uppfært: 16.september.2009 | Efst á síðu
Viðbótarlífeyrissparnaður
Verðtryggð innlán njóta verndar Tryggingarsjóðs innstæðueiganda og fjárfesta og því er verðtryggða sparnaðarleiðin tryggð eins og Ríkisstjórn Íslands hefur áréttað. Innstæðutryggingar ná ekki til inneigna í skuldabréfa- og hlutabréfaáherslu Lífsvals sen flokkast ekki sem innlán.
Síðast uppfært: 27.október.2008 | Efst á síðu
Eignir í skuldabréfa- og hlutabréfaáherslu hækka og lækka eftir því sem verðmæti undirliggjandi eigna breytast. Ákveðinn hluti undirliggjandi eigna eru í verðtryggðum innlánum sem breytast í takt við breytingar á vísitölu.
Síðast uppfært: 16.september.2009 | Efst á síðu
Vegna óvissu á alþjóðlegum fjármálamarkaði hefur verið ákveðið að ráðstafa tímabundið framtíðariðgjöldum í skuldabréfa- eða hlutabréfaáherslu Lífsvals í verðtryggðan sparnað. Um leið og ástand á fjármálamörkuðum verður stöðugra mun iðgjöldum að nýju verða varið til fjárfestinga í samræmi við upphaflegar óskir sjóðsfélaga og verður þeim send tilkynning um leið og aðstæður leyfa. Hér er því um tímabundna ráðstöfun að ræða.
Síðast uppfært: 16.september.2009 | Efst á síðu
Öllum nýjum greiðslum í skuldabréfa- og hlutabréfaáherslu Lífsvals hjá Byr er í dag ráðstafað inn á verðtryggða reikninga. Send verður tilkynning til sjóðsfélaga þegar þessari ráðstöfun verður breytt.
Síðast uppfært: 23.október.2008 | Efst á síðu
Lífsval býður upp á mismunandi ávöxtunarleiðir með mismunandi mikilli áhættu. Verðtryggður sparnaður nýtur til að mynda verndar Tryggingarsjóðs innstæðueigenda.
Hver og einn viðskiptavinur verður að meta það út frá eigin forsendum, svo sem áhættufælni, hversu langt er í töku lífeyris o.s.frv.
Viðbótarlífeyrissparnaður er í flestum tilfellum sparnaður til langs tíma. Hægt er að setja 2% eða 4% af tekjum í viðbótarlífeyrissparnað, og fæst þá 2% mótframlag frá vinnuveitanda. Ákveðið skattahagræði næst með því að vera í viðbótarlífeyrissparnaði þar sem framlag upp á 4% lækkar ráðstöfunartekjur um ca. 2,5%.
Síðast uppfært: 16.september.2009 | Efst á síðu
Hægt er að óska eftir flutningi á milli Lífsvalsleiða eða milli vörsluaðila. Ef óskað er eftir flutningi þarf að hafa samband við nýja vörsluaðilann sem sendir formlega uppsögn á núverandi vörsluaðila. Kostnaður við flutning er 1% af inneign sjóðsfélaga, að lágmarki 5.000 kr. Uppsagnarfrestur er 6 mánuðir
Síðast uppfært: 16.september.2009 | Efst á síðu
Erfitt er að segja til um hvað sé best að gera á þessum tímapunkti. Verið er að meta eignir og stöðu sjóðanna. Hins vegar má benda á að viðbótarlífeyrissparnaður er langtímasparnaður.
Síðast uppfært: 16.september.2009 | Efst á síðu
Við andlát sjóðfélaga fá erfingjar greitt út að fullu. Séreign er hjúskapareign og erfist að fullu skv. erfðalögum.
Til að fá séreign greidda út, þarf maki að sækja um það skriflega, auk þess að hafa með sér: - Erfðafjárskýrslu - Yfirlit yfir framvindu skipta.
Síðast uppfært: 16.september.2009 | Efst á síðu
Samkvæmt lögum nr. 129/1997 er viðbótarlífeyrissparnaður laus til útborgunnar frá 60 ára aldri og einnig ef um örorku eða andlát er að ræða. Með lögum nr. 13/2009 var sjóðsfélögum veitt heimild til að taka fyrirfram út allt að 1.000.000 kr. og greiðist fjárhæðin út á 9 mánuðum. Hægt er að sækja um þessa fyrirframgreiðslu á tímabilinu 1. mars 2009 – 1. október 2010.
Síðast uppfært: 16.september.2009 | Efst á síðu
Verðbréfasjóðir
Opið er fyrir viðskipti með alla sjóði Byrs. Fyrirtækjasjóðnum hefur verið lokað og er í slitaferli. Þann 27. ágúst s.l. var greitt úr Fyrirtækjasjóðnum inn á innlánsreikning hlutdeildarskírteinishafa hjá Byr. Greiðslukvittun mun berast á næstu dögum í pósti. Þetta er önnur greiðsla sjóðsins eftir að ákvörðun um slit hans lá fyrir en fyrsta greiðsla fór fram þann 6. apríl s.l. Greiðslur nema því alls 50,52% af eignum sjóðsins m.v. síðasta skráða gengi hans þann 6. október 2008.
Eins og áður hefur komið fram er Fyrirtækjasjóðurinn í slitameðferð í samræmi við reglur sem samþykktar voru af stjórn Rekstrarfélags Byrs og staðfestar af Fjármálaeftirlitinu. Slitum sjóðsins er þannig háttað, að sjóðsfélögum verður greitt út í samræmi við hlutfallslega eign þeirra á þriggja mánaða fresti, eða eftir því sem eignir sjóðsins fást greiddar. Þegar engar eignir eru eftir í sjóðnum verður honum slitið.
Síðast uppfært: 16.september.2009 | Efst á síðu
Peningamarkaðssjóðnum var lokað 7. október 2008 í kjölfar ákvörðunar FME, sem lagði bann við viðskipti með alla fjármálagjörninga á vegum m.a. gömlu viðskiptabankanna. Með því að loka sjóðnum var verið að verja eignir hans og tryggja um leið jafnræði á meðal sjóðsfélaga svo að allir sætu við sama borð gagnvart greiðslum úr sjóðnum. Peningamarkaðssjóði Byrs var síðan slitið samkvæmt tilmælum frá FME. Útgreiðsluhlutfall til sjóðsfélaga nam 94,9% m.v. síðasta skráða viðskiptagengi sjóðsins þann 6. október 2008. Ekki var opnað fyrir innlausnir, heldur greitt úr sjóðnum í einni heildargreiðslu inn á innlánsreikninga sjóðsfélaga hjá Byr í réttu hlutfalli við inneign hvers skv. hlutdeildarskírteinum og var það gert til að fyllsta jafnræðis yrði gætt á meðal sjóðsfélaga. Þann 29. september 2008 var viðskiptagengi Peningamarkaðssjóðsins lækkað um 7,4% í varúðarskyni. Atburðarás daganna í kringum þessar breyttu aðstæður á fjármálamörkuðum hefur leitt í ljós að þessi sérstaka varúðarniðurfærsla reyndist nauðsynleg með hliðsjón af hagsmunum sjóðsfélaga. Að teknu tilliti til hennar nam útgreiðsluhlutfall sjóðsins 88,1%. Greiðslum út úr sjóðnum var lokið 10. nóvember s.l.
Síðast uppfært: 16.september.2009 | Efst á síðu
Eigandi innstæðu á sparireikningi á beina kröfu um endurgreiðslu á viðkomandi bankastofnun. Öðru máli gegnir um eign (hlutdeildarskírteini) í verðbréfasjóði. Í því tilviki á sjóðsfélagi hlutfallslega kröfu á þær eignir sem verðbréfasjóðurinn á. Þeir eiga því kröfu á fjölda fjármálastofnana, fyrirtækja og/eða eftir atvikum ríki, sveitarfélög og stofnanir. Styrkur hvers sjóðs ræðst af undirliggjandi eignum hans, þ.e. fjárhagslegum styrk útgefenda þeirra eigna sem viðkomandi verðbréfasjóður hefur fjárfest í og eftir atvikum þeim veðum sem einstakir útgefendur hafa lagt fram til tryggingar. Staða og afdrif þeirra fjármálafyrirtækja sem reka verðbréfasjóði hafa ekki með beinum hætti áhrif á verðmæti verðbréfasjóða þar sem efnahagur þeirra er aðskilinn efnahagi viðkomandi fjármálafyrirtækis.
Síðast uppfært: 16.september.2009 | Efst á síðu
Verðbréfadeild Tryggingasjóðs innstæðueigenda tryggir að verðbréf, hlutdeildarskírteini eða reiðufé sé tiltækt fyrir eigendur þeirra ef á reynir. Þannig tryggir verðbréfadeild glötuð verðbréf, hlutdeildarskírteini eða reiðufé. Rétt er að taka fram að fyrirtækjum í verðbréfaþjónustu er skylt að halda fjármunum viðskiptavina tryggilega aðgreindum frá eignum fyrirtækisins og því litlar líkur á því að viðskiptavinir þess tapi fjármunum komist fyrirtækið í þrot. Verðbréfadeildin tryggir á hinn bóginn ekki markaðsverðmæti verðbréfasjóða þar sem markaðsverðmæti þeirra ræðst af verði undirliggjandi eigna.
Síðast uppfært: 16.september.2009 | Efst á síðu
Um Byr
Í frétt Morgunblaðsins, þann 4. september voru settar fram þær getgátur að ríkið myndi eignast helming í Byr. Á þessari stundu liggur hins vegar ekki fyrir hvort ríkið eignist hlut í Byr og hve mikill sá eignarhlutur verður, komi þeir til móts við Byrs sparisjóð með eiginfjárframlagi. Það að ríkið eignist hugsanlega hlut í Byr mun ekki hafa áhrif á daglega starfsemi sjóðsins.
Síðast uppfært: 04.september.2009 | Efst á síðu
Birting uppgjörs fyrir fyrstu sex mánuði ársins 2009 hefur frestast vegna fjárhagslegrar endurskipulagningar. Birtingardagur verður kynntur síðar og verður uppgjörið birt með upplýsingum um áhrif fjárhagslegrar endurskipulagningar á fjárhagsstöðu sjóðsins.
Síðast uppfært: 04.september.2009 | Efst á síðu
Þar sem vinna að fjárhagslegri endurskipulagningu Byrs er enn í gangi er ekki hægt á þessu stigi að segja til um hvort eða hversu mikil áhrif hún hefur á eignarhlut núverandi stofnfjáreigenda.
Síðast uppfært: 04.september.2009 | Efst á síðu
Byr hefur unnið að endurskipulagningu starfsemi sinnar í nánu og góðu samstarfi við erlenda kröfuhafa síðastliðna mánuði. Því miður er ekki unnt að greina frá einstaka atriðum tengdu samstarfi við umrædda aðila að svo stöddu en þeim upplýsingum verður komið á framfæri um leið og hægt er.
Síðast uppfært: 04.september.2009 | Efst á síðu