Alþjóða virðissjóðurinn

Fjárfestingarstefna og markmið

Alþjóða virðissjóðurinn fjárfestir fyrst og fremst í alþjóðlegum hlutabréfum fyrirtækja og verðbréfasjóðum víðsvegar um heiminn. Sjóðurinn flokkast sem virðissjóður þar sem leitast er við að fjárfesta í fyrirtækjum sem eru lágt verðmetin m.a. með hliðsjón af innra virði þeirra. Markmið sjóðsins er að gera betur en viðmiðunarvísitalan MSCI Value.

Fyrir hverja er sjóðurinn?

Alþjóða virðissjóðurinn hentar vel þeim fjárfestum sem þola miklar sveiflur í ávöxtun með von um góða langtímaávöxtun. Sjóðurinn er góður kostur fyrir þá sem vilja fjárfesta í alþjóðlegum hlutabréfum með góðri áhættudreifingu. Ráðlagður fjárfestingartími er a.m.k. 4 ár.

Sækja um Upplýsingablað

Skattamál

Skattlagning hlutdeildarskírteina fer eftir lögum um tekjuskatt nr. 90/2003 og lögum um staðgreiðslu skatts á fjármagnstekjur nr. 94/1996. Við innlausn greiðist fjármagnstekjuskattur af jákvæðum mismun söluverðs að frádregnu kaupverði og þóknun. 

Frekar upplýsingar um sjóðinn

  • Stofnár: 2000
  • Kaupþóknun: 2%
  • Afgreiðslugjald: 350 kr.
  • Áskriftarmöguleiki: Já, og þá er veittur 40% afsláttur af kaupþóknun
  • Umsýsluþóknun: 1,5%
  • Sjóðsstýring: Guðjón Óskar Guðmundsson
  • Uppgjörstími: 3 viðskiptadagar (T+3)
  • Rekstraraðili: Rekstrarfélag Byrs hf.
  • Vörsluaðili: Arion verðbréfavarsla hf.
  • Viðskiptatími:
      Sumartími (apríl-okt): 10.00–15.20
      Vetrartími (nóv-mars): 10:00-16:20
  • Rekstrarform: Verðbréfasjóður samkvæmt lögum um verðbréfasjóði og fjárfestingasjóði nr. 30/2003

Nánari upplýsingar um sjóðinn eru veittar í síma 575-4000. Auk þess er bent á útboðslýsingu til frekari útskýringar á sjóðnum. 

Áhætta

Búast má við miklum sveiflum á gengi sjóðsins, í takt við þróun á alþjóðlegum hlutabréfamörkuðum. Sjóðurinn er gerður upp í íslenskum krónum en eignir í erlendum gjaldmiðlum og því fylgir sjóðnum gengisáhætta. Gengi hlutabréfa er háð væntingum um afkomu og framtíðarvöxt fyrirtækja. Þá hafa ytri skilyrði einnig áhrif á gengi sjóðsins svo sem efnahagsástand.

Áhættuflokkun

Áhættuflokkar sjóða Byrs eru 6 og því hærri sem flokkurinn er því meiri er áhættan. Alþjóða virðissjóðurinn er í áhættuflokki 5. 

Stillingar